Ըստ «Ազատություն» ռադիոկայանի, «Ակոս»-ի խմբագիր Հրանտ Դինքի սպանության 7-րդ տարելիցի օրը հանցագործության հետաքննությանն է անդրադարձել ԵԱՀԿ մամուլի ազատության գծով ներկայացուցիչ Դունյա Միյատովիչը:
«Դինքի սպանությունից 7 տարի անց էլ հանցագործության կազմակերպիչները չեն հայտնաբերվել»,- նշել է ԵԱՀԿ ներկայացուցիչը երեկ տարածած հատուկ հայտարարության մեջ:
«Հանցագործության անմիջական հեղինակին բանտարկելը բավարար չէ: Նման հանցագործության կազմակերպիչները պակաս վտանգավոր չեն: Թուրքական դատական համակարգը պետք է ցույց տա երկրի քաղաքացիներին, որ նման հանցագործություններն անպատիժ չեն մնում»,- ասել է Միյատովիչը:
Գեւորգ Ստամբոլցյան
