Լոռու մարզի ընդհանուր իրավասության առաջին ատյանի դատարանում, դատավոր Նարինե Հովակիմյանի նախագահությամբ սկսվել է Ստեփանավան քաղաքի բնակչուհի Դիանա Շ.-ի դատաքննությունը:
Համաձայն մեղադրական եզրակացության` Դիանա Շ.-ին մեղադրանք է առաջադրվել այն բանի համար, որ նա նախորդ տարվա օգոստոսի 7-ին ժամը 23.30-ի սահմաններում գտնվելով ալկոհոլի ազդեցության տակ, սպանել է` ապօրինաբար դիտավորությամբ կյանքից զրկել է Կարեն Ա.-ին:
Նա նախկինում դատված չի եղել: Այժմ «Աբովյան» ՔԿՀ-ի կալանավոր է:
Շրջանառվող լուրերի համաձայն` 32-ամյա կինը այդ քայլին է գնացել պարտքի պատճառով:
Անուշ ԲՈՒԼՂԱԴԱՐՅԱՆ
