«Որպեսզի ես կարողանամ այդ հարցին պատասխանել, պետք է պայմանները նայել, գները նայել, բայց չեմ կարծում, որ նման գնահատական ընդհանրապես հնարավոր է տալ»,-այսօր ասաց էկոնոմիկայի նախարար Վահրամ Ավանեսյանը` կառավարության նիստից հետո պատասխանելով լրագրողների հարցին, թե համամի՞տ է էներգետիկայի նախարար Արմեն Մովսիսյանի այն գնահատականներին, թե գազային վերջին համաձայնագրերը ավելի շահավետ էին, քան երկրորդ նախագահ Ռոբերտ Քոչարյանի ժամանակ կատարված «Գույք պարտքի դիմաց» գործարքը:
Հարցին էլ, թե ինչպես է վերաբերում Քոչարյանի քննադատությանը գործող կառավարության հասցեին, պարոն Ավանեսյանը նշեց` նորմալ. «Խնդիրները, որոնք որ բարձրացված են, առանձին-առանձին եթե նայեմ, կարող եմ ասել, որ կան բաներ, որոնք ինձ համար դժվար է գնահատելը, բայց կան բաներ, որոնք կարող եմ գնահատել: Շինարարության 25 տոկոս մասնաբաժինը Հայաստանում կամ մեկ այլ երկրում՝ ընդհանրապես անհնարին բան է, որ երկարատեւ կամ նույնիսկ միջնաժամկետ հեռանկար ունենա: 2006-2007 թվականներին ես ասել եմ, որ շինարարությունում անկում է սպասվում»:
Էկոնոմիկայի նախարարի հետ զրույցի մանրամասները` տեսանյութում
Լուսինե ԲՈՒԴԱՂՅԱՆ
