Հատված ՀՔԴՄ նախագահ, ՀՀԿ խորհրդարանական խմբակցության անդամ ԽՈՍՐՈՎ ՀԱՐՈՒԹՅՈՒՆՅԱՆԻ հարցազրույցից:
–Այսօր քննարկվող «թեժ» թեմաներից մեկը Ռոբերտ Քոչարյան–Տիգրան Սարգսյան հեռակա բանավեճն է։ Երկրորդ նախագահի հարցազրույցները կարելի՞ է դիտարկել որպես ակտիվ քաղաքականություն վերադառնալու հայտ։ Եթե այո՝ ի՞նչ ազդեցություն կարող է դա ունենալ քաղաքական գործընթացի վրա։
-Չգիտես ինչու, տպավորություն ունեմ, թե շինարարության ոլորտի անկման վերաբերյալ վարչապետի դիտարկումները ոչ թե պատճառ էին, այլ առիթ հանրապետության երկրորդ նախագահի ակտիվացման կամ գոնե այս փուլում արտահայտվելու համար։
Թերեւս այստեղ նաեւ միջանձնային հարաբերությունների խնդիր կա, բայց եթե դրանից էլ վերանանք, չեմ կարծում, թե Ռոբերտ Քոչարյանը երբեւէ թաքցրել է մեծ քաղաքականություն վերադառնալու իր ձգտումը։ Ավելին՝ հրապարակավ ասել է, որ չի պատրաստվում դառնալ երիտասարդ թոշակառու։ Եվ հետո՝ ո՞վ ասաց, թե նա դուրս էր քաղաքականությունից. գուցե կարելի է խոսել ակտիվանալու մասին, բայց երկրորդ նախագահը երբեք դուրս չի եկել քաղաքականությունից։
Արդյոք սա կարո՞ղ է դառնալ ակտիվ քաղաքականություն վերադառնալու հայտ։ Առաջիկա զարգացումները ցույց կտան, բայց փաստն այն է, որ միգուցե նույնիսկ իր կամքից անկախ, այս հարցազրույցներով, ըստ էության, տրվեց 2017թ. նախընտրական գործընթացների մեկնարկը։
Լա՞վ է դա, թե՞ վատ։ Կարծում եմ՝ նորմալ է, ես շատ հանգիստ եմ նայում այդ ամենին։ Համենայն դեպս, Ռոբերտ Քոչարյանը, անկասկած, ասաց այն, ինչի մասին բազմիցս խոսել են ոչ իշխանական խմբակցություններն իրենց ելույթներում։ Չեմ բացառում, որ սա ընդդիմադիր զանգվածն «իրենով անելու» փորձ է։
Լիլիթ ՊՈՂՈՍՅԱՆ
Կարդացեք նաև
Հարցազրույցն ամբողջությամբ՝ «Հայոց աշխարհ» թերթի այսօրվա համարում
Թերեւս այստեղ նաեւ միջանձնային հարաբերությունների խնդիր կա, բայց եթե դրանից էլ վերանանք, չեմ կարծում, թե Ռոբերտ Քոչարյանը երբեւէ թաքցրել է մեծ քաղաքականություն վերադառնալու իր ձգտումը։
