Ինչպես արդեն տեղեկացրել էինք, ԼՂՀ Քարվաճառի տարածքում գտնվող Չոփռլուի զորամասից ծանր վիճակով զինվորական հոսպիտալ է տեղափոխվել ժամկետային զինծառայող Մհեր Խլղաթյանը, վերջինիս ծեծի են ենթարկել զորամասում: ԳԱԼԱ-ն զրուցել է զինվորի հարեւանների հետ, ովքեր պատմել են. «Մհերը շատ խելոք երեխա է, իրա նման բարի, բարեխիղճ երեխա չկա: Ես զարմանում եմ, որ էդ ձևի մարդուն կարելի է ծեծել»:
Տեղեկություններ ունեն, ըստ որի զինվորին ծեծի են ենթարկել սպաները այն պատճառով, որ վերջինս վազել չի կարողացել, թոքերի հետ կապված խնդիրներ է ունեցել, բուժվել է զորամասի բուժկետում. «Երեխու ձեռքերը սաղ այրված են, վրան հանգցված ծխախոտի հետքեր կան ու ծեծված է, շատ վատ վիճակի: Խնդիրը սպաների հետ է եղել, ծառայողները իրեն չեն ծեծել: Հիվանդ վիճակում ելել է պլաց, ուշաթափվել ընկել է գետնին»,- նշում է զինվորի հարևան Արտակ Գրիգորյանը: Որդին 16 տարեկան է, անկեղծանում է, այս դեպքից հետո տարակուսել է, թե ինչպես է որդուն ուղարկելու ծառայության:
Նյութի մանրամասները կարդացեք սկզբնաղբյուր կայքում
հունվարի 16-ին, պաշտպանության նախարար Սեյրան Օհանյանը Երևանի Մ. Հերացու անվան պետական բժշկական համալսարանում պրոֆեսորադասախոսական կազմի եւ ուսանողների հետ հանդիպումից հետո պատասխանեց նաեւ լրագրողների հարցերին, որոնք վերաբերում էին բանակում կատարված վերջին իրադարձություններին:
Այն հարցին, թե արդյոք ճշմարիտ են տեղեկությունները, թե հունվարի 13-ի գիշերը ԼՂՀ Քարվաճառի զորամասերից մեկում ծայրահեղ ծանր, անգիտակից վիճակում Երևանի Մուրացանի զինվորական կենտրոնական հոսպիտալ տեղափոխված Մհեր Խլղաթյանին խոշտանգել են զորամասում, ձեռքերին ծխախոտով այրածի հետքեր կան, նախարարը պատասխանեց. «Այդպիսի հետքեր չկան: Քրեական գործ է հարուցված, թերեւս վերջնականորեն պետք է պարզել՝ ուժ կիրառվե՞լ է, թե՝ոչ: Վերջին տվյալներով՝ ինքն արդեն գիտակցության մեջ է, եւ ինքը ասում է, որ նման այդպիսի դեպք չի եղել: