Տավուշի մարզի Բերդի տարածաշրջանի Վարագավան գյուղի բնակիչ, 1991թ. ծնված Արթուր Ալավերդյանին մեղադրանք է առաջադրվել այն բանի համար, որ նա 2012թ. նոյեմբերի 17-ին փաստացի ամուսնական հարաբերությունների մեջ է մտել եւ սեռական հարաբերություն ունեցել համագյուղացի, 1998 թ. նոյեմբերին ծնված Ա. Մ.-ի հետ:
Ըստ «Դատալեքս» կայքի՝ Ա. Ալավերդյանին մեղադրանք է առաջադրվել ՀՀ քրեական օրենսգրքի 141 հոդվածով («Սեքսուալ բնույթի գործողություններ կատարելը տասնվեց տարին չլրացած անձի հետ»): Այս հոդվածը, որպես պատիժ, նախատեսում է 100-250 հազար դրամ տուգանք կամ ազատազրկում՝ առավելագույնը 2 տարի ժամկետով: Երիտասարդի նկատմամբ խափանման միջոց է ընտրվել չհեռանալու մասին ստորագրությունը: Սույն քրեական գործով դատական առաջին նիստը Տավուշի մարզի առաջին ատյանի դատարանի Բերդի նստավայրում նշանակված է հունվարի 21-ին:
Ոսկան ՍԱՐԳՍՅԱՆ
Իսկ ով է փորձել պարզել,թե ինչու են աղջկա ծնողներն ամուսնացրել իրենց երեխային՝ հաստատ լավ օրից չէ:Եթե փաստացի ամուսանական կապի մեջ է,փոխանակ վերապահումով մոտենալուն՝ սահմանամերձ գյուղում մի ընտանիք կավելանա,շատ երեխաներ կծնվեն, մի բան էլ դատում են:Այնքան շատ պատժելի ու առանց պատժի մնացած իրավիճակներ կան,որ մարդու գլուխ է պտտվում:Իսկ գիտեք 100000դրամը ինչքան մեծ է գումար է այդ մարդու համար՝դրանով նա կարող է իր քանի հոգսը հոգալ:Այ եթե մարզը ունենար սրտացավ տեր,գուցե այս մի հարցը այլ կերպ կլուծվեր: