«Ընդդեմ պարտադիր կուտակային կենսաթոշակային համակարգի» քաղաքացիական նախաձեռնությունը հունվարի 18-ին Ազատության հրապարակում հավաք-երթ է կազմակերպելու` հանրությանն իրազեկելու կենսաթոշակային նոր համակարգի բացասական հետեւանքները:
Այսօր «Ելակետ» ակումբում նախաձեռնության անդամները` Դավիթ Մանուկյանը, Սեւակ Ծատուրյանը, Հարություն Աղլամազյանը կոչ արեցին չընտրել ֆոնդեր եւ ֆոնդի կառավարիչներ եւ դատարանները ողողել դիմումներով:
Հարցին, թե ՀՀ երկրորդ նախագահ Ռոբերտ Քոչարյանի այն դիտարկումները, թե այս նոր կենսաթոշակային համակարգը հավատ չի ներշնչում, նախաձեռնության անդամները չցանկացան մեկնաբանել, ասելով` մարդ է՝ իր կարծիքն է հայտնել: Այնուամենայնիվ պարոն Քոչարյանին հիշեցրին գույք պարտքի դիմաց գործարքը, որը նրա օրոք է եղել:
Կարդացեք նաև
ԱԺ 4 խմբակցություններ դիմել են Սահմանադրական դատարան Կենսաթոշակային համակարգի մասին օրենքը հակասահմանադրական ճանաչելու պահանջով եւ մինչեւ ՍԴ-ի վճիռ կայացնելը օրենքը կասեցնելու միջնորդությամբ:
Իսկ թե «Ընդդեմ պարտադիր կուտակային կենսաթոշակային համակարգի» քաղաքացիական նախաձեռնությունն ինչ քայլերի է դիմելու, եթե ՍԴ-ն հակասահմանադրական չճանաչի, մանրամասները կարդացեք առաջիկայում:
Լուսինե ԲՈՒԴԱՂՅԱՆ
