Մինչ այսօր Քանաքեռ Զեյթուն ընդհանուր իրավասության դատարանում տեղի էր ունենում ազատամարտիկ, պահեստի գնդապետ Վոլոդյա Ավետիսյանի գործով հերթական դատական նիստը, նրա մարտական ընկերները բողոքի ակցիա էին անցկացնում դատարանի շենքի դիմաց:
Ազատամարտիկները պահանջում էին ազատ արձակել Վոլոդյա Ավետիսյանին եւ դատապարտում ՀՀ իշխանություններին իրենց ընկերոջ «գլխին սարքելու» համար:
«Իշխանությունները փորձում են ամեն կերպ ներկայացնել, որ Հայաստանում քաղբանտարկյալներ չկան: Օրինակ՝ Շանթ Հարությունյանը փայտը ձեռքին դուրս էր եկել փողոց, հա մի մեքենայի դիմաց կտրել էր, տուգանիր բաց թող կամ Վոլոդյա Ավետիսյանը: Այդպիսի հոդված չկա, որ սահմանի քաղբանտարկյալ. յուրաքանչյուրին մի ձեւով են մեկուսացնում քաղաքական գործունեությունից: Եվս մեկ անգամ կոչ եմ անում դատավորին, որ իրոք վերադառնա օրինականության դաշտ եւ օրինական վճիռ կայացնի»,- ասաց «Ի պաշտպանություն Վոլոդա Ավետիսյանի» նախաձեռնության ղեկավար Գագիկ Սարուխանյանը: Հետո էլ հավելեց, որ հետամուտ են լինելու Վոլոդյայի ազատ արձակմանը:
Վիճաբանություն սկսվեց դատարանի մուտքի առջեւ, երբ ոստիկաններն արգելեցին ազատամարտիկներին դատարանում սպասել վճռի հրապարակմանը: Դուռը կողպել էին, նույնիսկ լրագրողներին թույլ չէին տալիս ներս մտնել: Ազատամարտիկ կանայք ամոթանք տվեցին ու սկսեցին բղավել:
Կարդացեք նաև
«37 թվից վերան եք սարքել: Տենց դուռը մի փակեք, ստեղ խուժաններ չկան, խուժանները …բերանս չբացես»,- ասաց ազատամարտիկ կանանցից մեկը:
Հիշեցնենք, որ նրա փաստաբան Արա Զաքարյանը բողոքարկում էր Վոլոդյա Ավետիսյանին կալանքի տակ պահելու որոշումը:
Արփինե ՍԻՄՈՆՅԱՆ
