Ըստ Հելսինկյան քաղաքացիական ասամբլեայի Վանաձորի գրասենյակի ուսումնասիրության արդյունքների՝ 2013 թվականին ՀՀ զինված ուժերում գրանցվել է 30 միջադեպ, որի հետեւանքով մահացել է 31 զինծառայող: Միջադեպերից միայն 14-ի դեպքում է ՀՀ և ԼՂՀ պաշտպանության նախարարությունը հանդիսացել է տեղեկատվության տարածման առաջնային աղբյուր, միաժամանակ մահվան 31 դեպքերից 24-ի վերաբերյալ տարածվել է պաշտոնական հաղորդագրություն:
Եթե համեմատենք նախորդ տարիների հետ, ապա մահացության դեպքերը 2013 թվականին բավականին նվազել են, սակայն տեղի ունեցած միջադեպերը, որոնց արդյունքում գրանցվել են մահվան դեպքերը՝ ոչ:
