Այս պահին Ազատության հրապարակից պատրաստվում են դեպի գլխավոր դատախազություն իրենց երթը սկսել՝ «Ի պաշտպանություն Շանթ Հարությունյանի եւ նրա ընկերների» նախաձեռնության անդամները: Այստեղ է նաեւ «Ժառանգություն» կուսակցության նախագահ Րաֆֆի Հովհաննիսյանը: Նա եկել է իր զորակցությունը հայտնելու Շանթին եւ նրա ընկերներին:
Պարոն Հովհաննիսյանը լրագրողներին ասաց, որ ինքն այ սօր այցելել է Շանթ Հարությունյանին, բայց իրեն թույլ չեն տվել նրան տեսակցել: Պարոն Հովհաննիսյանը նաեւ ասաց, որ ինքը վստահ է, որ Շանթը հոգեբուժարանի հետ կապ չունի եւ հոգեկան խնդիրներ չունի, նրան հոգեբուժարանի հետ կապում են նրանք, ովքեր Շանթ Հարությունյանին ապօրինաբար անազատության մեջ են պահում:
Մինչ երթը սկսելը Արթուր Սաքունցն ասաց. «Մեր պահանջը հստակ է, մենք դեմ ենք Մաքսային միությանը եւ Սերժ Սարգսյանի՝ Մաքսային միությանը միանալու որոշմանը: Մենք չենք հեռանալու այս երկրից, մենք ստրուկ չենք: Այս պահանջներն էր նաեւ իր պայքարում ձեւակերպել Շանթ Հարությունյանը»:
Արթուր Սաքունցը հստակեցրեց նաեւ այսօրվա ակցիայի իրենց պահանջները՝ ազատ արձակել Շանթ Հարությունյանին եւ նրա ընկերներին, ապա ասաց, որ այս իշխանությունների բնութագիրն ու կենսակերպն է, չեն կարող առանց քաղբանտարկյալների:
Կարդացեք նաև
Այս պահին ակտիվիստները երգում են. «Երնեկ թե այս նոր տարին վերջ տար հայի ցավերին…»:
Արփինե ՍԻՄՈՆՅԱՆ
Լուսանկարները`PHOTOLURE-ի
