Այն մարդիկ, ովքեր կարողանում են արագ ադապտացվել նոր իրադրություններին, նրանց մոտ հետտոնական սթրեսը շատ կարճ է տևում
Այս տարի, ըստ ոչ պաշտոնական տվյալների, մարդիկ ավելի շատ էին ձգտում շուտ վերջ դնել տոնական անցուդարձին և դուրս գալ աշխատանքի։ Այդ մասին հայտնեց հոգեբան Աննա Բադալյանը «Զարկերակ» մամուլի ակումբում այսօր կայացած ասուլիսի ժամանակ։
Ըստ Ա. Բադալյանի՝ Ամանորյա տոնն իր հետ բերում է բազմաթիվ դրական էմոցիաներ, այդ պատճառով էլ՝ տոնի ավարտից հետո, մարդու մոտ առաջանում է դատարկության զգացողություն։
Ըստ նրա բացասական է այն, որ մեզ մոտ Ամանորը և Սուրբ Ծնունդը նշելիս հիմնական շեշտը դրվում է առատ սեղան ունենալու վրա, այլ ոչ թե ներհոգեկան փոփոխության և վերածննդի։
Կարդացեք նաև
Ա. Բադալյանը նշում է նաև, որ այն մարդիկ, ովքեր կարողանում են արագ ադապտացվել նոր իրադրություններին՝ նրանց մոտ հետտոնական սթրեսը շատ կարճ է տևում։
Ըստ նյարդաբան Սամսոն Խաչատրյանի՝ Ամանորյա տոներին տեղի է ունենում քնի ռեժիմի խախտում , ինչը բերում է աշխատանքի արդյունավետության ցածր մակարդակի։
Ըստ դիետոլոգ Հասմիկ Աբովյանի՝ պետք է որքան հնարավոր է զերծ մնալ տապակած ուտեստներից, քանի որ դրանք բացասական են ազդում մարդու առողջության վրա և աշխատել օգտագործել միայն առողջ սնունդ։
Զառա ԱՍԿԱՐՅԱՆ
