Հրանտ Դինքի սպանության գործով երկու կասկածյալները, որոնք ձերբակալվել էին հունվարի 7-ին, այսօր հարցաքննումից հետո ազատ են արձակվել: Հայտնում է «Հուրիեթ» թերթը:
Զեյնել Աբդին Յավուզը և Օսման Հայալը ձերբակալվել էին դատարանի որոշմամբ, երբ նրանք չէին ներկայացել նախնական լսումներին: Յավուզը համարվում է Դինքի սպանության համար առաջին հավաքագրված անձը, իսկ Հայալը սպանության պատվիրատու Յասին Հայալի եղբայրն է:
Թերթը նշում է, որ կասկածյալներին ազատ արձակելը տեղի է ունեցել Դինքի սպանության 7-րդ տարին լրանալուց ընդամենը 10 օր առաջ:
«Ակօս» շաբաթաթերթի գլխավոր խմբագիր Հրանտ Դինքին սպանել էին 2007թ. Ստամբուլում: Դինքի հարազատները պետությանը մեղադրում են սպանության պատասխանատվության մեջ ու մեղավորներին հայտնաբերելու գործը ոչ պատշաճ կատարելու համար:
Կարդացեք նաև
Պատրաստեց Հովհաննես ԻՇԽԱՆՅԱՆԸ
