«Նոյեմբերի 5-ի գործը» կարող է անկանխատեսելի շարունակություն ստանալ։ Այդ գործով կալանավորված Շանթ Հարությունյանը եւ նրա չորս ընկերները հացադուլ են հայտարարել եւ նրանց առողջական վիճակը գնալով վատանում է։
Իսկ Շանթ Հարությունյանին ճանաչողները վստահ են, որ եթե նրա պահանջները չբավարարվեն, ապա նա երբեք դուրս չի գա հացադուլից։ Նման կարծիք է հայտնել մասնավորապես նախկին քաղբանտարկյալ Դավիթ Մաթեւոսյանը։ Վերջինս ճանաչում է Շանթին արդեն 20 տարի, իսկ Մարտի 1-ից հետո մի քանի ամիս նրա հետ պահվել է միեւնույն խցում։
Հացադուլավորները պահանջում են վերացնել հարազատների հետ տեսակցությունների արգելանքը։
Նախաքննական մարմինը, ինչպես արդեն նշել ենք, որեւէ տրամաբանական բացատրություն չի կարողանում գտնել՝ հիմնավորելու համար, թե ինչու են արգելվել «Նոյեմբերի 5-ի» գործով կալանավորվածների տեսակցությունները հարազատների հետ։
Կարդացեք նաև
Արդեն իսկ ակնհայտ է, որ գործող իշխանությունը դրանով Շանթ Հարությունյանի եւ նրա ընկերների նկատմամբ օրենքով չնախատեսված պատիժ է կիրառում, ինչը պարզապես իրավական «բեսպրեդելի» եւ ցինիզմի հերթական դրսեւորումն է։
«Նոյեմբերի 5-ի» գործով կալանավորվածների նկատմամբ այս վերաբերմունքը պայմանավորված է նրանով, որ վերջիններս բացահայտել են ոստիկանության Կենտրոնի բաժանմունքում տեղի ունեցածը։ Մասնավորապես՝ Շանթ Հարությունյանը իրեն այցելած պատգամավորներին եւ իրավապաշտպաններին պատմել էր, որ ձերբակալվելուց հետո ՀՀ ոստիկանապետ Վովա Գասպարյանը բաժանմունքում ծեծել էր իրեն։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
