Կապանցիները տոն օրերին բարեկամներին հյուր գնալու եւ Նոր տարին շնորհավորելու համար ստիպված են լինում օգտվել լեփ-լեցուն տրանսպորտային միջոցներից: Այս օրերին Մ. Ստեփանյան փողոցից Բաղաբերդի ծայրամասային թաղամաս հասնելու համար բնակիչները պետք է սառած փողոցներով իջնեն քաղաքի կենտրոն՝ 6 համարի ավտոբուսով տվյալ թաղամաս գնալու համար, քանի որ Մ.Ստեփանյանից դեպի քաղաքի մյուս ծայրամասը սպասարկող 15 համարի երթուղային տաքսին այս օրերին չի գործում: Սակայն, հարցը միայն քաղաքի կենտրոնում գտնվող կանգառ հասնելը չէ:
Բնակիչների հիմնական դժվարությունը ավտոբուս «խցկվելն է», իհարկե ոչ բոլորին է հաջողվում այդ «բախտին» արժանանալ: Մարդիկ իրար հրմշտելով, հազիվ կանգնելու տեղ գտնելու ակնկալիքով են ավտոբուս նստում: Նման պատկերի երեկ ականատես եղանք Բաղաբերդի թաղամաս գնացող ավտոբուսից օգտվելիս: Ասեղ գցելու տեղ 6 համարի ավտոբուսում, բառից բուն իմաստով, չկար, ինչը հարուցել էր բնակիչների դժգոհությունը: «Կարո՞ւմ չըն մի հատ ավտոբուս ավել քցին, սա հինչի՞ նման ա…կարումալ չըս շնչիս էնենց նեղվածքա, ավելի լավ լա ոտքավմ լա քինելու…պա սա մարդկությո՞ւն ա»,- դժգոհում էին լեփ-լեցուն ավտոբուսում գտնվող ուղեւորները, ովքեր ամեն անգամ ստիպված իջնում էին ավտոբուսից՝ կանգառում իջնող ուղեւորներին տեղ տալու համար:
Մերի ՍՈՂՈՄՈՆՅԱՆ
Լուսանկարը`donbass.ua-ից
Կարդացեք նաև
