ԱՄՆ-ի նախագահ Բարաք Օբաման հորդորել է Միացյալ Նահանգների Կոնգրեսին վերականգնել ավելի քան մեկ միլիոն ամերիկացիների համար կենսական անհրաժեշտություն ունեցող «տնտեսական միակ հույսը»՝ գործազրկության արտակարգ ապահովագրությունը:
Ըստ «Ամերիկայի Ձայն»-ի, Բարաք Օբաման քննադատության է ենթարկել ԱՄՆ-ի Կոնգրեսի հանրապետականներին իրենց ընտրողներին առանց գործազրկության նպաստների թողնելու պայմաններում արձակուրդի գնալու համար:
Ամենշաբաթյա իր ուղերձում նախագահ Օբաման ասել է, որ աշխատանք փնտրող կամ մասնագիտական նոր որակավորում ձեռք բերող մարդկանց ֆինանսական անվտանգության տրամադրման մերժումը «միանգամայն դաժան է»՝ հավելելով, որ գործազրկության ապահովագրության դադարեցումը իրականում դանդաղեցնում է երկրի տնտեսական վերականգնումը:
ԱՄՆ-ի նախագահի համաձայն, հանրապետականների «ամանորյա հանձնառությունը» պետք է լինի ճիշտ որոշումների ընդունումն ու միլիոնավոր մարդկանց համար կենսական անհրաժեշտություն ունեցող տնտեսական անվտանգության անհապաղ վերականգնումը:
Կարդացեք նաև
Արմեն Հովհաննիսյան
Նյութի մանրամասները կարդացեք սկզբնաղբյուր կայքում
