Ըստ հայցվորների՝ սոցիալական ցանցը հետեւում է, թե օգտատերերը անձնական խոսակցություններում ինչ հղումներ են իրար ուղարկում, ստուգում են դրանք եւ հետո այդ տեղեկությունը փոխանցում են երրորդ անձանց՝ շահադիտական նպատակներով:
Ինչպես հաղորդում է «Голос России» ռադիոկայանը՝ օգտատերերի կարծիքով՝ Facebook-ը խախտում է ԱՄՆ-ի քաղաքացիների նկատմամբ հսկողության եւ Կալիֆորնիայի անձնական կյանքի պաշտպանության օրենքները: Նրանք հույս ունեն, որ հայցի կարգավիճակը կդառնա զանգվածային: Թե կոնկրետ ինչ են ուզում հայցվորները ամբաստանյալից՝ չի հաղորդվում:
Տեղեկություններն այն մասին, որ Facebook -ը սկանավորում է անձնական նամակները, հայտնվել են դեռ 2012 թվականին: Facebook-ը հաստատել է, որ «լայքերի» հաշվիչը իրոք «կարդում» է իրար ուղարկվող հղումները, սակայն ոչ մի անձնական տեղեկություն չի բացահայտվում: Անցած տարվա ամռանը Facebook-ը որոշել է դատական կարգով վճարել 20 միլիոն դոլար՝ որպես փոխհատուցում նկարների եւ անունների՝ գովազդային նպատակներով օգտագործման համար:
