Azatutyun.am. Ռումինիայի և Բուլղարիայի քաղաքացիները երեկվանից իրավունք են ստացել աշխատել և եկամուտներ ստանալ Եվրամիության մյուս երկրներում։
BBC-ն հիշեցնում է, որ Եվրամիության ամենաաղքատ երկու երկրների քաղաքացիների նկատմամբ սահմանափակումներ էին մտցվել 2007 թվականին, երբ Ռումինիան և Բուլղարիան անդամակցեցին ԵՄ-ին։ Դրանց գործողության ժամկետը յոթ տարի էր։
Եվրամիության առավել բարեկեցիկ որոշ պետություններ այժմ մտավախություն ունեն, որ երկու երկրներից զանգվածային արտահոսք կսկսվի։ Ռումինիայի և Բուլղարիայի իշխանությունները հավաստիացնում են, սակայն, որ նման բան տեղի չի ունենա, քանի որ աշխատանք գտնելու նպատակով այդ երկրները լքել ցանկացողներից շատերը արդեն արել են դա։
Նյութն ամբողջությամբ կարող եք կարդալ սկզբնաղբյուր կայքում:
