Արտագաղթի վերաբերյալ աղետալի ցուցանիշի մեջ տեսնո՞ւմ եք ձեր մեղքի բաժինը, չե՞ք համարում, որ ժամանակ է խոստովանելու, որ Սերժ Սարգսյանի թիմը ձախողել է. «Գալա» հեռուստաընկերության թղթակցի այս հարցերին ի պատասխան Տիգրան Սարգսյանն ասաց, որ գնահատականների հետ համաձայն չէ:
«Արտագաղթը լրջագույն մարտահրավեր է, որ կանգնած է մեր կառավարության առջեւ,- ասաց Տիգրան Սարգսյանը:- Այս խնդիրը լուծելու համար պետք է նախաձեռնել բարեփոխումներ»: Իսկ դրանք, դարձյալ շեշտեց՝ միշտ առաջին փուլում հանդիպում են որոշակի ընդդիմության. «Ռեֆորմներ իրականացնելը հեշտ չէ»:
Անդրադառնալով հարցին, թե ինչպես պետք է արտագաղթի դեմն առնեն՝ ասաց, թե առաջին հերթին կենսամակարդակը պետք է բարձրացնեն, նաեւ պետք է պայմաններ ստեղծեն, որ մարդիկ կարողանան իրենց տաղանդն իրացնել Հայաստանում:
Մի գուցե վարչապետը լու՞րջ է խոսում՝ հառփած չէ։ Այս դեպքում ավելի վտանգավոր չէ՞ արդյոք նման լրջությունը՝ հառփածից։