«Արարատ Մկրտչյանի հետ որեւէ տեսակի կապ կամ խոսակցություն վերջին երեք ամիսների ընթացքում չեմ ունեցել: Ավելին՝ եթե նախարարն արդեն նախկին է, ապա ոչ մի բան նրան չի խանգարում, որ ինքն այդ տեսակետն արտահայտեր: Եթե դա արել եմ ես, ուրեմն դա իմ վերլուծության եւ հետազոտության արդյունքն է: Թող չփորձեն որեւիցե մեկին ներքաշել այս գործընթացի մեջ»,- «Առավոտի» հետ զրույցում ասաց ՀԱԿ պատգամավոր Լյուդմիլա Սարգսյանը` դիմելով առողջապահության նախարար Դերենիկ Դումանյանին: Դերենիկ Դումանյանն ակնարկել էր, որ ոլորտին վերաբերող պատգամավորի քննադատությունների աղբյուրը նախկին նախարար Արարատ Մկրտչյանն է, ով նաեւ տիկին Սարգսյանի երբեմնի կուսակիցն էր: Նկատենք, սակայն, որ Արարատ Մկրտչյանը ոլորտին վերաբերող իր քննադատություններն ու մտահոգությունները մշտապես անձամբ է հնչեցրել:
«Առավոտ» օրաթերթ
