Հոգևոր սննդի համար գումար չի բավականացնում
Հայաստանում գործում է տնտեսական զարգացման ծրագիր, ըստ որի թանկացումները կարող են լինել մինչև 4,5%–ի սահմանում։ Սակայն այսօր առկա են 50%–ի թանկացումներ, որի օրինակն էր տրանսպորտի գնի թանկացումը։ Այս մասին հայտնեց « Սպառողների միության » նախագահ Արմեն Պողոսյանը՝ «Ֆորում» մամուլի ակումբում այսօր կայացած ասուլիսի ժամանակ։
Ա. Պողոսյանի պնդմամբ Հայաստանում այնքան էլ լավ չի գործում հասարակական վերահսկողությունը։ Ըստ նրա պետական մարմինները, հասարակական վերահսկողությունը և մամուլը պետք է աշխատեն միասին։ Ա. Պողոսյանը գտնում է, որ սա կտա դրական արդյունք։
Ըստ Ա. Պողոսյանի հայաստանյան հասարակության շերտերի մինչև տարբերությունը շատ մեծ է։Նա նշում է, որ հասարակության մեջ առկա է մի շերտ, որը հետարքրքություն չի ցուցաբերում ապրանքների գների, թանկացումների հանդեպ։ Ըստ Ա. Պողոսյանի այս մարդիկ կազմում են հասարակության մոտավորապես 8%-10%։ Հասարակության մյուս 90%–ի մոտ ևս առկա է շերտավորում 40% -ը գտնվում է աղքատության շեմին, իսկ 30% -ի վիճակը շատ ծանր է։
Կարդացեք նաև
Ըստ Ա. Պողոսյանի՝ ընդհանուր առմամբ ընտանիքի աղքատ լինելը որոշվում է հետևյալ կերպ. եթե ընտանեկան բյուջեի 25%-ից ավելին, ինչպես նաև դրանից պակաս է ծախսվում սննդի վրա, ապա այդ ընտանիքը համարվում է աղքատ և նրանց օգնելու համր մշակվում են պետական ծրագրեր։ Ա. Պողոսյանի տվյալներով՝ Հայաստանում ընտանեկան եկամուտի 58% –ը ծախսվում է սննդի վրա, 30% –ը՝ կոմունալ ծախսերի, իսկ հոգևոր սննդի համար՝ թատրոններ , համերգներ հաճախելու համար գումար չի մնում։
Զառա ԱՍԿԱՐՅԱՆ
