Արդեն հունիսին 12-ամսյա գնաճը կազմեց 6,5 տոկոս։ Եվս 2 տոկոսով բարձրացավ հուլիսին, երբ գործողության մեջ մտան էներգակիրների նոր սակագները։ Այս զարգացումները շարունակվեցին նաեւ օգոստոսին. գնաճը հասավ 9,3 տոկոսի։
Պարենային ապրանքների շուկայում թանկացումները գերազանցեցին 10 տոկոսի շեմը։ Նման գնաճային ճնշումներ Հայաստանի սպառողական ապրանքների շուկաներում վերջին անգամ արձանագրվել էին երեք տարի առաջ։
Գնաճը մեղմելու նպատակով հուլիսին Կենտրոնական բանկը, երկու տարվա ընդմիջումից հետո, բարձրացրեց վերաֆինանսավորման տոկոսադրույքը. նախկին 8-ից դարձավ 8,5 տոկոս, թեեւ այս գործիքի դերը թանկացումների վրա սովորաբար նկատելի չի լինում։ Ընդհակառակը, այն ավելի շատ հարվածում է տնտեսական գործընթացներին։ Պատահական չէ, որ կարճ ժամանակ անց՝ ընդամենը երեք ամիս հետո, Կենտրոնական բանկը գնաց դրա նվազեցման։
Գնաճը մեղմելու նպատակով կառավարությունն իր հերթին սկսեց իրականացնել բյուջետային ծախսերի սահմանափակման քաղաքականություն։ Հարկային եկամուտների բարձր կատարողականի միջոցով տնտեսությունից դուրս քաշվեց մեծ քանակությամբ դրամ, ինչը բացասաբար ազդելով տնտեսական ակտիվության վրա, այնուհանդերձ ինչ-որ առումով նպաստավոր պայմաններ ստեղծեց գնաճի թուլացման համար։
Կարդացեք նաև
Արդեն սեպտեմբերից շուկայում սկսեց մեղմանալ թանկացումների տեմպը։ Մեկ ամիս հետո գնաճը վերադարձավ 7,1 տոկոսի սահման, իսկ նոյեմբերին 6,6 տոկոս։ Օգոստոսի համեմատ գրեթե կրկնակի նվազեց պարենային ապրանքների գների բարձրացման տեմպը։
Ս. ԲԵԳԼԱՐՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
