«2013 թվականն ակտիվ տարի էր, որի ընթացքում իշխանությունները կարողացան քաղաքական դաշտն ավելի հասկանալի դարձնել հասարակության համար»,- իր համոզմունքն այսօր «Պոստ սկրիպտում» մամուլի ակումբում հայտնեց ՀՀԿ խմբակցության ղեկավար Գալուստ Սահակյանն`ամփոփելով անցնող տարին:
Սահակյանը վստահ է, որ ՀՀԿ-ական իշխանությունն անցնող տարում կարողացել է լուծում տալ հասարակության եւ քաղաքական ուժերի կողմից բարձրացված շատ հարցերի: Այս առիթով լրագրողների հակադարձումներին էլ այսպես պատասխանեց. «Չեմ կարծում, որ արվածը բավարար է: Մենք օգտագործել ենք բոլոր հնարավորությունները՝ հասարակության հետ աշխատանքի առումով: Մեր աշխատանքի գնահատականը կտա ժողովուրդը: Երկրում ծանր իրավիճակ է, բայց մենք արեցինք հնարավոր ամեն ինչ: Մեր հասարակությունը դժբախտ է, բայց դա կապ չունի նրա բարեկեցության հետ: Երջանիկ են նրանք, որոնք ապրում են երջանիկ հասարակությունում»:
Դիտարկմանը, որ ժամանակին Հայաստանի նախագահը հայտարարել էր, որ եթե կառավարությունը չապահովի 7 տոկոսի տնտեսական աճ, նա պետք է հրաժարական տա, բանախոսը պատասխանեց. «Ներկայումս այդ հարցը չի քննարկվում, սակայն կգա ժամանակը, երբ վեր կհանվեն պատճառները, թե ինչու 7 տոկոսանոց տնտեսական աճ չգրանցվեց»:
Այլ մանրամասները`տեսանյութում
Կարդացեք նաև
Նելլի ԳՐԻԳՈՐՅԱՆ
