«Կարծում եմ, հիմա Լեւոն Տեր-Պետրոսյանի ելույթը մեկնաբանելու ժամանակը չէ, շատ ավելի կարեւոր գործեր կան զբաղվելու»,- Aravot.am-ի հետ զրույցում պատասխանելով հարցին՝ նախօրեին ՀԱԿ առաջնորդ Լեւոն Տեր-Պետրոսյանը մի քանի դիտարկումներ էր ներկայացրել այն առիթով, թե ինչո՞ւ Հայաստանում մայդան չկայացավ. կիսում ե՞ք այդ մոտեցումները, ասաց «Ժառանգություն» կուսակցության փոխնախագահ Արմեն Մարտիրոսյանը: Պարոն Մարտիրոսյանը գտնում է, որ «գազային» խայտառակ պայմանագրերը վավերացնելուց հետո երկրում բոլորովին այլ իրավիճակ է, որոնք ոչ այլ լուծումներ են պահանջում: Այդ թվում նաեւ՝ ընդդիմության միասնությունը:
Իսկ Տեր-Պետրոսյանի դիտարկումների մասով, այնուհանդերձ, ասաց. «Եթե քաղաքացին պայքարում է իր երկրի անկախության, իր երկրում ժողովրդավարական կարգեր հաստատելու համար, իր ու իր երկրի ազատության համար է պայքարում, դա չի նշանակում, որ ինքը ռուսատյաց է կամ որեւէ այլ երկրի նկատմամբ թշնամական վերաբերմունք ունի»:
Նելլի ԳՐԻԳՈՐՅԱՆ
