Արարատի եւ Վայոց ձորի մարզի ընդհանուր իրավասության դատարանում շարունակվում է Աշոտ Մալաքյանի դեմ հարուցված քրեական գործով դատական հերթական նիստը:
Դատարան է եկել վկա, որի ցուցմունքից հետո դատախազ տիկին Թադեւոսյանը միջնորդեց, որպեսզի հրապարակվեն վկայի ցուցմունքները:
Վկան ասաց, որ քննիչն է գրել, սակայն մի դեպքում նիստը ընդհատվեց. լույս քաշվեց դատախազի գլխավերեւում, որ կարողանա կարդալ: Սակայն դա էլ չօգնեց, քանի որ քննիչի ձեռագիրն անընթեռնելի է:
Աշոտ Մալաքյանը, որին մեղադրանք է առաջադրվել՝ հունիսի 17-ին գիշերվա ժամը 4-ի սահմաններում հյուրընկալվել է Արարատի մարզի Այնթապ գյուղում բնակվող իր ծանոթ Արմեն Սրապյանին: Տուժողի, որը բերման որոշմամբ այսօր պիտի ներկայանար դատի, վագոն-տնակում գտնվելով ալկոհոլի ազդեցության տակ, ձայնագրիչը անջատելու հարցի շուրջ վիճաբանել է Արմեն Սրապյանի հոր` Գառնիկ Գևորգյանի հետ, որին միջամտել է Արմեն Սրապյանը:
Կարդացեք նաև
Ըստ մեղադրանքի կողմի, Ա.Մալաքյանը ձեռքերով և ոտքերով դիտավորյալ հարվածներ է հասցրել Ա.Սրապյանի մարմնի տարբեր մասերին, այնուհետև նախապես տնակից վերցված խոհանոցային դանակով դիտավորությամբ մեկ անգամ հարվածել է Ա.Սրապյանի որովայնի շրջանին և պատճառել կյանքին վտանգ սպառնացող ծանր վնաս` որովայնի խոռոչ թափանցող ծակած կտրած վերքի վնասման ձևով:
Մանրամասները՝ քիչ հետո:
Ռուզան ՄԻՆԱՍՅԱՆ
