Այսօր «Նովոստի» միջազգային մամուլի կենտրոնում Կովկասի ինստիտուտի տնօրեն, քաղաքագետ Ալեքսանդր Իսկանդարյանը եւ ադրբեջանագետ Տաթեւ Հայրապետյանն անդրադարձան տարածաշրջանային արտաքին քաղաքական գործընթացներին:
Ալեքսանդր Իսկանդարյանի ձեւակերպմամբ`տարին շատ հետաքրքիր էր, ոչ միայն արտաքին քաղաքականության համար, այլեւ տարածաշրջանային քաղաքականության: «Ներսում հանգիստ վիճակ է»,- ասաց նա, անդրադառնալով տարվա ընթացքում Իրան-ԱՄՆ հարաբերությունների զարգացումներին, ընդգծելով դրանց կարեւորությունը Հայաստանի համար:
Ալեքսանդր Իսկանդարյանը վերլուծելով Թուրքիայի քաղաքական զարգացումները, հատկանշական համարեց նրա դերը տարածաշրջանում, իսկ այն իրադարձությունները, որ տարվա ընթացքում տեղի ունեցան Վրաստանում, Ալեքսանդր Իսկանդարյանը գտնում է, թե դրանցից կարելի է առանձնացնել Վրաստան-Ռուսաստան հարաբերությունների բարելավումը, որը եւս մեզ համար մեծ կարեւորություն ունի:
Եվրամիության մասին խոսելիս էլ` Ալեքսանդր Իսկանդարյանն ասաց, որ տարին ԵՄ-ի համար անհաջող էր: «Սրանք այն ամենն է, ինչ տեղի է ունենում մեր շուրջ ու իր ազդեցությունը թողնում Հայաստանի վրա»,- ավելացրեց Ալեքսանդր Իսկանդարյանը՝ հույս հայտնելով, թե 2014 թվականին Հայաստանի համար տարածաշրջանում առաջընթացներ կլինեն:
Կարդացեք նաև
Տաթեւ Հայրապետյանն էլ ընդգծեց, որ 2013-ը Ադրբեջանի համար էր կարեւոր, այնտեղ ընտրություններ եղան, բացի այդ, տարին սկսվեց լարված դեպքերով, մասնավորապես՝ ձերբակալություններով: Այդուհանդերձ, ադրբեջանական ընդդիմադիր ուժերին հաջողվեց միավորվել, ընտրություններն անցան բազմաթիվ խախտումներով, շատ դիտորդական առաքելություններ չիրականացրեցին իրենց առաքելությունը: Սակայն ընտրություններից հետո, Տաթեւ Հայրապետյանի խոսքով, իշխող վարչակարգը ընթացավ ընտրությունների լեգիտիմությամբ:
Եվա ՀԱԿՈԲՅԱՆ
