Պատգամավորի մանդատից հրաժարվելը ոչ իշխանական քաղաքական ուժերից միայն «Ժառանգություն» խմբակցության ղեկավարի համար է Սերժ Սարգսյանին նեղ վիճակում դնելու միջոց։
«Ամեն ինչ պետք է անենք, որպեսզի արդյունավետ պայքար տանենք եւ ձեւավորենք օրինական իշխանություններ Հայաստանի Հանրապետությունում»,- ասում է «Ժառանգություն» խմբակցության ղեկավար Զարուհի Փոստանջյանը։
ԲՀԿ խմբակցության քարտուղար Նաիրա Զոհրաբյանը մանդատներից հրաժարվելու խնդիր չի տեսնում, ինքը մանդատից կառչած գործիչ չի եղել, բայց դա ի՞նչ է տալու ընդդիմությանը. «Եթե դա տալու է էն, որ ընդհանրապես էստեղ որեւէ հարց չի քննարկվելու, որեւէ ընդդիմախոսի ձայն չի լսվելու, եթե դա լավագույն տարբերակն է, ապա ես անձնապես էդտեղ խնդիր չեմ տեսնում, բայց ես չեմ կարծում, որ դա լավագույն տարբերակն է»։
Դաշնակցական պատգամավոր Աղվան Վարդանյանը նույնպես խնդիր չի տեսնում, քաղաքական պայքարի տարբերակ է, բայց թող մյուսներն էլ վայր դնեն իրենց մանդատները. «Ես բացարձակապես վստահ չեմ, որ մյուս ոչ իշխանական բոլոր խմբակցությունները պատրաստ են այդ քայլին»։
Կարդացեք նաև
Մանրամասն՝ կարդացեք այստեղ
