Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ Արթուր Գասոյանի կողմից նյութերի նախապատրաստման ընթացքում պարզվել է այսօր՝ դեկտեմբերի 24-ին, Երևանում տեղի ունեցած ավտովթարի հետևանքով հիվանդանոցներ տեղափոխված անձանց տվյալները:
Ըստ shamshyan.com– ի, հիվանդանոց տեղափոխվածներն են Renault-ի վարորդը, որը վարել է Երևանի բնակիչ, 58-ամյա Արամ Հովհաննիսյանը, իսկ ավտոմեքենան հաշվառված է «Սասլայն Տռաս» ՍՊԸ-ի հաշվեկշռում ու օգտագործվում է՝ որպես տաքսի, և ուղևոր՝ Երևան քաղաքի Կորյունի փողոցի բնակիչ, 46-ամյա ճանաչված երգիչ, ԱԺ պատգամավոր Շուշան Պետրոսյանը:
Հիվանդանոց են տեղափոխվել նաև Toyota մակնիշի ավտոմեքենայի վարորդ, 38-ամյա Էդուարդ Տոնոյանը, ով աշխատում է «Էմ-Էյջ-Փի-Քոնսալթինգ» ՍՊԸ-ում՝ որպես հաշվապահ, Toyota-ի ուղևորներ, նույն ՍՊԸ-ի հաշվապահներ, 28-ամյա Անուշ Կարապետյանը և 33-ամյա Աննա Տոնոյանը: Քննիչի հանձնարարականով՝ մեքենաները տեղափոխվել են Երևանի ՃՈ հատուկ պահպանվող տարածք:
Լուսանկարը՝ Գագիկ Շամշյանի
Նյութի մանրամասները կարդացեք սկզբնաղբյուր կայքում
Ցավալի դեպք է, անհանգստացած եմ Շուշանի առողջության համար:
Խնդրում եմ, հոդված հրատարակելիս հետևեք, որպեսզի գրագետ հայերենով գրեք, ի՞նչ է նշանակում «…Renault-ի վարորդը, որը վարել է … Արամ Հովհաննիսյանը»: Իսկ Շուշան Պետրոսյանին ավելի ճիշտ կլիներ անվանել երգչուհի, ոչ թե երգիչ: