«Գազպրոմն» այս պայմանագրով դառնում է պետություն պետության մեջ»,- այսպես բնութագրեց ՀԱԿ տնտեսական հանձնաժողովի նախագահ Վահագն Խաչատրյանն այն բացառիկ կարգավիճակը, որը ձեռք է բերում ռուսական էներգետիկ գիգանտը դեկտեմբերի 2-ի պայմանագրով։
– Փաստորեն, այս պայմանագրով պետությունը ոչ մի վերահսկողություն չի՞ կարող իրականացնել, ոչ մի լծակ չի՞ տրվում ՀՀ–ին, որ միջամտի ինչ–ինչ իրավիճակներում։
– Ոչ։ Որեւէ հսկողական մեխանիզմ չկա։ Այս պայմանագրում հարկային օրենսդրության դրույթներ են մտցված, որոնք երբեք միջազգային փաստաթղթերում չեն լինում։ Միջազգային պայմանագրերում սովորաբար ավելի կարեւոր հարցադրումներ են տեղ գտնում։ Բայց ես հասկանում եմ, որ «Գազպրոմն» այնքան մեծ կասկածներ ունի ՀՀ իշխանության
նկատմամբ, որ պայմանագրի մեջ օրենք է մտցնում միայն իր համար։ Եթե հարկային օրենսդրությունը վերցնենք, ապա այնտեղ պետք է առանձին գլուխ մտցնել՝ հատուկ «Գազպրոմի» մասին։
Կարդացեք նաև
Որ նայում եք փաստաթուղթն ամբողջությամբ, տպավորություն է, թե հայկական կողմից, երեւի, մարդ չի եղել կամ եղել է մարդ, որը միայն գլուխը վերեւ-ներքեւ է արել, համաձայնության նշան տալով։ Ձախ ու աջ չի արել։ Այդ պահին իր մարմնի ունակությունները միայն այդ ուղղությամբ են աշխատել։ Այստեղ հայկական կողմի շահը պաշտպանող որեւէ մի դրույթ, նախադասություն չեմ տեսել, չկա։
Սյուզան ՍԻՄՈՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
