Թուրքիայի վարչապետը խոստացել է վրեժխնդիր լինել իր հակառակորդների նկատմամբ՝ ասելով, թե «կջարդի նրանց ձեռքերը», եթե նրանք օգտագործեն կաշառակերության հետզհետե ընդլայնվող սկանդալն իր իշխանությունը խարխլելու նպատակով:
Թուրքիայի վարչապետը «մութ դաշինքների գործ» է անվանել կաշառակերության հետաքննությունը և խոստացել է «ջրի երես հանել» դրանում ներգրավվածներին:
Այս ընթացքում, «Հուրիեթ» պարբերականի փոխանցմամբ, ԱՄՆ-ի և Թուրքիայի դիվանագետներին վերջին պահին հաջողվել է խուսափել երկու պետությունների միջև դիվանագիտական հարաբերությունների ճգնաժամից, որոնց դրդապատճառը կարող էր դառնալ Թուրքիայի վարչապետ Էրդողանի կողմից արված հայտարարությունն այն մասին, որ Թուրքիայում ԱՄՆ-ի դեսպանը կարող է վտարվել՝ սադրիչ գործողությունների իրականացման պատճառով:
«Վաշինգտոնը լուրջ նախազգուշացում է հղել Անկարային այն մասին, որ Միացյալ Նահանգների և իր դիվանագետների նկատմամբ ահաբեկման արշավի իրականացնումը կարող է ծանր հետևանքներ ունենալ երկկողմանի հարաբերությունների համար», – գրում է պարբերականը:
Կարդացեք նաև
Մանրամասները՝ «Ամերիկայի ձայն»-ի կայքում
