Հայաստանը կարող է Մաքսային միություն ավելի շուտ մտնել, քան Ղրղըզստանը. անդամակցության աշխատանքները «շատ արագ են ընթանում», հայտնել է Ռուսաստանի նախագահի խորհրդական Յուրի Ուշակովը: Հաղորդում է «ՌԻԱ Նովոստի»-ն:
«Նշեմ, որ փորձագետները բավական ակտիվորեն ուսումնասիրում են հայկական դիմումը, շատ արագ տեմպերով: Նույնիսկ ինչ-որ չափով առաջ են անցել Ղրղըզստանի հետ տարած և տարվող աշխատանքներից», – ասել է Ուշակովը:
Դեկտեմբերի 24-ին Մոսկվայում տեղի է ունենալու Եվրասիական տնտեսական գերագույն խորհրդի հանդիպում, որտեղ քննարկվելու են Հայաստանի և Ղրղըզստանի Մաքսային միությանն անդամակցելու դիմումները:
«Ղրղըզստանի «ճանապարհային քարտեզը» նույնպես կքննարկվի: Պարզապես այն նույն պատրաստվածության փուլում չէ, ինչ Հայաստանինը», – ասել է խորհրդականը:
Կարդացեք նաև
Ղրղըզստանը Մաքսային միությանն անդամակցելու դիմում էր ներկայացրել 2011թ., Հայաստանը նման որոշում էր ընդունել 2013թ. սեպտեմբերին:
Պատրաստեց Հովհաննես ԻՇԽԱՆՅԱՆԸ
Աստված տա, որ ՄՄ անդամակցումը կատարվի օր առաջ: