«Հիմնադրամը երիտասարդների համար հոգեհարազատ միջավայր է, որտեղ հավասարը հավասարին կարող են ծրագրեր ներկայացնել, իրականացնել այդ ծրագրերը»,-Aravot.am-ի հարցին` ինչո՞ւ պիտի երիտասարդը վստահի Հայաստանի երիտասարդական հիմնադրամին (ՀԵՀ)` հաշվի առնելով այն հանգամանքը, որ այսօր տարբեր կազմակերպություններ փորձում են ուղղորդել երիտասարդությանն, այսպես պատասխանեց ՀԵՀ հոգաբարձուների խորհրդի համակարգող Կարեն Ավագյանը:
Այնուհետև շեշտեց. «Բացի ծրագիր իրականացնելը, այն կազմակերպել է պետք` հաշվի առնել փաստաթղթաշրջանառությունը ու հաշվետվությունները: Մենք կազմակերպչական հարցերում օգնելուց բացի, երիտասարդներին սովորեցնում ենք այդ ամենը: Երիտասարդական հիմնադրամը իսկական երիտասարդական միջավայր է»:
Մեր դիտարկմանը` երիտասարդական քաղաքականության իրականացման ոլորտում տարիներ շարունակ քաոսային վիճակ էր տիրում, հիմա հե՞շտ է այն շտկելը, պարոն Ավագյանն այսպես արձագանքեց. «Երբ 3-4 տարի առաջ նոր էինք գործում, ծրագրերի քանակը ցույց էր տալիս, որ երիտասարդությունը մեծ վստահություն չունի հիմնադրամի նկատմամբ: Տարիների ընթացքում ձեռք բերեցինք այդ վստահությունը ու հենց այդ մասին է վկայում այն, որ երիտասարդները իրենք ցանկություն հայտնեցին, որ ՀՀ նախագահի հովանու ներքո անցկացվող «Աջակցություն երիտասարդ գիտնականներին» ծրագրի գումարը սպասարկվի հիմնադրամի միջոցով»:
Լրագրողներից մեկը բարձրացրեց այն հարցը, եթե կամավորության սկզբունքով է, ապա ինչպե՞ս է, որ բոլոր բուհերն են իրենց բյուջեի երկու տոկոսը վճարում հիմնադրամին: Պարոն Ավագյանը պատասխանեց. «Երկու տոկոսի մեջ հիսուն տոկոսը վերադարձվում է բուհին` տարբեր ուսանողական ծրագրերի միջոցով: Իսկ այդ մեկ տոկոսով կարողանում ենք այնպիսի ծրագրեր իրականացնել, որ ուրիշ ռեսուրս ու գումար դրա համար չէր կարող գտնվել»:
Լրագրողի` այս խնդրի համեմատությունը բուհերում վարձավճարների թանկացման հետ Կարեն Ավագյանը ծիծաղելի համարեց ու մանրամասնեց. «Եթե մոտավոր թիվ ասենք, ապա ուսման վարձերի բարձրացման ընթացքում հիմնադրամ մուտքերը ընդամենը տասը միլիոն դրամով են աճել: Ձեր ինֆորմացիան թերի է, քանի որ բոլոր պետական բուհերը չեն գումար վճարում հիմնադրամին` մասնավորապես մշակութային ուղղվածություն ունեցողները և ոչ պետական բուհերը, սակայն հիմնադրամի ծրագրերի մեջ որևէ առանձնահատկություն չկա. մենք գումար ենք տալիս նաև այդ բուհերին: Սա գալիս է զարգացնելու ու ակտիվացնելու ուսանողական ինքնակառավարումը»:
Aravot.am-ը Վ. Բրյուսովի անվան պետական լեզվաբանական համալսարանի ռեկտոր Գայանե Գասպարյանից հետաքրքրվեց` ՀԵՀ-ը բուհի բյուջեի 2 տոկոսի չափով տրամադրած գումարները արդյունավե՞տ է ծախսել: Ռեկտորը պատասխանեց. «Շատ նորմալ եմ նայում դրան, քանի որ այն գումարները, որոնք գնում են հիմնադրամ, ի վերջո վերադառնում են բուհին այն առումով, որ հիմնադրամը սոցիալապես անապահով ուսանողների ուսման վարձավճարներն է զեղչում, մեր ուսխորհուրդը մեծ քանակով միջոցառումներ է կազմակերպում հիմնադրամից գումարներ ստանալով: Այնպես որ, սերտորեն համագործակցում ենք հիմնադրամի հետ»:
Կարդացեք նաև
Տաթև ՀԱՐՈՒԹՅՈՒՆՅԱՆ
Հերիք չի Տաթեւիկը իր վերադասի հետ հարցազրույց անի…..
Նախ՝ դա հարցազրույց չէ, այլ ասուլիս: Եվ երկրորդ՝ լուսաբանվել է ճիշտ այնպես, ինչպես Տաթեւ Հարությունյանը լուսաբանում է մյուս ասուլիսները՝ հավասարակշիռ ու չեզոք: