Սննդի անվտանգության նկատառումներով այս տարի դիտարկումներ են անցկացվել 1436 տնտեսվարողների մոտ։ Այդ մասին նշեց «Սննդամթերքի անվտանգության պետական ծառայության» աշխատակազմի ղեկավարի տեղակալ Դավիթ Ղուլյանը «Հենարան» մամուլի ակումբում այսօր կայացած ասուլիսի ժամանակ։
Նրա պնդմամբ՝ իրենք դիտարկումներն անցկացնում են ոչ միայն Ամանորի նախաշեմին , ուղղակի այդ ժամանակահատվածում դիտարկումների քանակն ավելի մեծածավալ է։
Դ. Ղուլյանի հավաստմամբ՝ իրենք դիտարկումներ կատարում են մինչ ապրանքի խանութ մուտք գործելը, ինչպես նաև մուտք գործելուց հետո։ Դիտարկումերը կատարվում են նաև քաղաքացիների ահազանգերի հիման վրա։
Դիտարկումները կատարվում են հատկապես կարճ ժամանակ պահպանվող սննդամթերքի առնչությամբ, որոնց թվին են պատկանում աղցանները, կիսաֆաբրիկատները, կրեմային ուտեստները, կաթնամթերքը և այլն։
Զառա ԱՍԿԱՐՅԱՆ
