«Հայաստանը մնաց այն պետությունների շարքում, որոնք ունեն ոչ ազատ մամուլ: Մենք շարունակում ենք մնալ՝ որպես ոչ ազատ մամուլ ունեցող երկիր»,-ամփոփելով տարին՝ «Հայելի» ակումբում հայտարարեց «Կենտրոն» հեռուստաընկերության մեկնաբան Արմեն Դուլյանը:
Շարունակելով՝ պարոն Դուլյանն ասաց. «Միավորներով մոտենում ենք մասնակիորեն ազատ մամուլին, ուստի հույս ունեմ, որ հաջորդ տարի գոնե փոխվի իրավիճակն ու մասնակիորեն ազատ երկրների թվին դասվենք»:
«Անդին» ամսագրի գլխավոր խմբագիր Մերուժան Տեր-Գուլանյանի համար տարին նշանավորվում է նրանով, որ հիմնադրել է «Անդին» ամսագիրը. «Խնդիրն այն է, որ մամուլն այնքան ազատ չի եղել, ինչպես հիմա: Հայտնի չէ, թե Գելափը կամ մյուս կազմակերպություններն ինչպիսի որոշում կկայացնեն: Ուրիշ բան է, որ մամուլն ազատ է, բայց ոչ անկախ: Ով ինչ ուզում՝ գրում է»:
Պարոն Տեր-Գուլանյանը նշեց, թե երբեմն նաև «լրագրողները պատվեր են կատարում», ինչին հակադարձեց «Հրապարակ» օրաթերթի գլխավոր խմբագիր Արմինե Օհանյանը: Նա նշեց. «2013-ը թերթերի համար ծանր տարի էր, քանի որ ընտրության տարի էր: Մի կողմից հեշտ է ընտրությունների ժամանակ աշխատել լրագրողների համար, մյուս կողմից բարդ, քանի որ խնդիր կա անել այնպես, որ ընթերցողի վստահությունը չկորցնես: Ընդհանուր առմամբ մամուլը կարողացավ հաղթահարել այդ դժվարությունները: Ինչ վերաբերում է ազատությանը, ապա ազատությունը ներքին վիճակ է և ընտրություն կատարելու իրավունք»:
Կարդացեք նաև
Տաթև ՀԱՐՈՒԹՅՈՒՆՅԱՆ
