ՀՀ պաշտպանության նախարարին առընթեր հասարակական խորհուրդը տեղեկացնում է, որ ձմեռային զորակոչի ընթացքում քաղաքացիների դիմումների և բողոքների քննարկման հանձնաժողովի վերջին նիստն ընթացիկ տարում կկայանա դեկտեմբերի 26-ին:
Հանձնաժողովի աշխատանքները կվերսկսեն Ամանորի և Սուրբ ծննդյան տոներից հետո` 2014թ. հունվարի 9-ին և կշարունակվեն մինչև զորակոչի ավարտը:
Հանձնաժողովի նիստերը գումարվում են երկուշաբթի և հինգշաբթի օրերին Մոսկովյան 5 հասցեում գտնվող հասարակական խորհրդի աշխատավայրում: Դիմում-բողոքներն ընդունվում են աշխատանքային բոլոր օրերին:
Տեղեկությունների համար զանգահարել 010523482, 010523486 հեռախոսահամարներով:
ՀՀ պաշտպանության նախարարին առընթեր
հասարակական խորհուրդ
