Արդեն տեղեկացրել ենք, որ ուրբաթ օրը՝ դեկտեմբերի 20-ին, ՌԴ նախագահ Վլադիմիր Պուտինի կողմից շնորհված ներումը ստանալուց ժամեր հետո «ՅՈւԿՕՍ» ընկերության նախկին ղեկավար, ավելի քան տաս տարի անազատության մեջ անցկացրած Միխայիլ Խոդորկովսկին, ներումը ստանալուց ժամեր անց մասնավոր ինքնաթիռով թռել էր Բեռլին, որտեղ հանդիպել է իր ծնողներին:
Բեռլինի օդանավակայանում նրան դիմավորել է Գերմանիայի նախկին արտգործնախարարը:
Այս տարիների ընթացքում Գերմանիան շատ ուշադիր հետեւում էր Խոդորկովսկու գործին, եւ պարբերաբար բարձրացնում էր նրան ազատ արձակելու հարցը:
Ավելին, Բեռլինի «Չեք փոյնթ Չառլի» անունը կրող Բեռլինյան պատին նվիրված թանգարանում, ուր պարտադիր տանում են այդ քաղաք թեկուզ երկու ժամով մտնող հյուրին, մի ամբողջ սրահ նվիրված է Խոդորկովսկուն: Այս մասին ֆոտոշարք «Առավոտը» տպագրել էր այս տարի մայիսին: Իսկ այսօր՝ հունվարի 22-ին Միխայիլ Խոդորկովսկին ասուլիս է տվել հենց այդ թանգարանում, ասուլիսը վարել է թանգարանի տնօրեն Ալեքսանդրա Հիլդեբրանտը, որը մինչ այդ Խոդորկովսկու համար էքսկուրսիա էր կազմակերպել թանգարանում:
Կարդացեք նաև
Ասուլիսի ժամանակ Խոդորկովսկին ասել է, որ Պուտինին վերաբերվում է ոչ թե ատելությամբ, այլ պրագմատիզմով, իսկ նման վերաբերմունքի պատճառն այն է, որ իր հարազատների հանդեպ հետապնդում չի եղել:
Նա նաեւ ասել է, որ չի պատրաստվում զբաղվել քաղաքականությամբ, այլ միայն՝ հասարակական գործունեությամբ:
Մելանյա ԲԱՐՍԵՂՅԱՆ
Լուսանկարը՝ հեղինակի:
