Երեկ կայացավ Հյուսիսային համալսարանի գիտական խորհրդի կողմից երաշխավորված գրքերի շնորհանդես: Չորս նոր գրքերը, որոնք հրատարակվել են «Ինչպես կազմել բիզնես պլան», «Ծառայությունների էկոնոմիկա», «Հաշվապահական հաշվառումը եւ աուդիտը բանկերում», «Կառավարչական որոշումներ» խորագրերով, ընդգրկված են «Հաշվապահի գրադարան» մատենաշարում եւ նախատեսված են ձեռներեցների եւ տնտեսագետ ուսանողների համար:
Շուրջ երեք տարի է՝ ավանդույթի ուժով տարեմուտին ներկայացվում են «Էդիտ Պրինտ» հրատարակչատան «Հաշվապահի գրադարան» մատենաշարի նոր հրապարակումները, նպատակ ունենալով գործարարության լրացուցիչ հմտություններ եւ կարողություններ ուսուցանել բուհերի ուսանողներին եւ գործարարներին: Շնորհանդեսին ներկա էին ինչպես բանկային ոլորտի մասնագետներ, այնպես էլ բուհերի պրոֆեսորադասախոսական եւ ուսանողական համակազմից ներկայացուցիչներ, որոնք արժեւորելով հրատարակված նոր գրքերը, համոզմունք հայտնեցին մատենաշարի կարեւորության մասին` մաղթելով հաջորդ տարիներին նրանում նոր համալրումներ:
ԱՐՄԵՆ ՃՈՒՂՈՒՐՅԱՆ
Հյուսիսային համալսարանի
պրոֆեսոր
«Առավոտ» օրաթերթ
