Դեկտեմբերի 20-ին Իջեւան քաղաքում, Տավուշի մարզի առաջին ատյանի դատարանում նշանակված էր 2013թ. մայիսի 15-ին Նոյեմբերյանի զորամասում շարքային Լյուքս Ստեփանյանի սպանության գործով դատավարության անդրանիկ նիստը:
Զինծառայող Դավիթ Խաչատրյանին մեղադրանք է առաջադրվել ՀՀ քրեական օրենսգրքի 104 հոդվածի 2-րդ մասի 6-րդ կետով («Շատերի կյանքի համար վտանգավոր եղանակով սպանությունը») եւ 112 հոդվածի 1-ին մասով («Դիտավորությամբ առողջությանը ծանր վնաս պատճառելը»):
Դատավոր Զոյա Զաքինյանը նիստը բացելով՝ հայտարարեց, որ քրեական գործով մեղադրող Արթուր Զաքարյանի աները դեկտեմբերի 18-ին մահացել է, դեկտեմբերի 20-ին նրա թաղումն է:
Որպեսզի դատավարության մյուս մասնակիցները իզուր չանցնեին երկար ճանապարհ, դատարանի աշխատակազմից նրանց տեղյակ էին պահել նիստի չկայանալու մասին: Դատավոր Զոյա Զաքինյանը հայտարարեց, որ դատական նիստը հետաձգվում է, նա հաջորդ նիստը նշանակեց 2014թ. հունվարի 15-ին:
Կարդացեք նաև
Ոսկան ՍԱՐԳՍՅԱՆ
