«Ինչ ասեմ, գնացեք իրան հարցրեք, կոկորդիլոս են ուտում, շուն են ուտում, կատու են ուտում՝ ես ինչ իմանամ»,- այսօր խորհրդարանում լրագրողների հետ զրույցում այսպես արձագանքեց ՀՀԿ-ական պատգամավոր Սեյրան Սարոյանը` հարցին, թե ինչպե՞ս է վերաբերվում նրան, որ իր գործընկեր ՍԱՍ սուպերմարկետի սեփականատեր Արտակ Սարգսյանը կոկորդիլոս է ներկրել Հայաստան:
«Այ ցավդ տանեմ, մենք ըտենց բան չենք անում, ով դնում ա, թող դնի: Ով էդ կոկորդիլոսը բերել ծախում ա կամ ուտում ա, նրանք կարող ա մարդ էլ ուտեն, ես շա՞տ գիտեմ: Ես զզվում եմ ըտենց բաներից, կոկորդիլոս, չէ մի, դրանք կարող ա շուն էլ ուտեն»,- շարունակեց Սեյրան Սարոյանը:
Նույն հարցին մյուս գեներալ պատգամավորը`Մանվել Գրիգորյանն էլ հարցով պատասխանեց. «Կոկորդիլոսն ի՞նչ ա աղջիկ ջան: Հայաստանում կա՞ կոկորդիլոս»: Երբ լրագրողները տեղեկացրին, որ արդեն ներկրում են, գեներալն ասաց. «Որ բերել են, մեկին պետք կգա էլի» ու այլ հարցերի չսպասելով ասաց. «Էդ Էդքան զարգացե՞լ ա մեր ազգը, որ կոկորդիլոս ա բերում: Դե լավա ա»:
Հարցին`սեղանին կոկորդիլոս չի՞ դնելու, Մանվել Գրիգորյանն ասաց. «Չէ , ես երկրապահական սեղան եմ դնելում: Եթե ուզում եք ամսի 31-ին գիշերը ժամը 12-ին արեք երկրապահ, կտենաք մեր սեղանը»:
Կարդացեք նաև
Մանվել Գրիգորյանը ամանորյա սեղանին կոկորդիլոսի միս դնելը թիթիզություն է համարում. «Չէ, մարդ կա էշի միս էլ ա ուտում, ձիու միս էլ ա ուտում, եթե սիրում են, թող ուտեն: Օրինակ` ազգեր կան էշի միս են ուտում, ձիու միս են ուտում»:
Նելլի ԳՐԻԳՈՐՅԱՆ
