Փոքրիկ ուսումնասիրությունը «Զիգզագ»-ի եւ «Արայ»-ի խանութ-սրահներում հաստատեց, որ վերջին տարիներին հատկապես ավելացել է ապառիկով ոչ թանկ ապրանքներ ձեռք բերողների թիվը, որոնք անգամ շատ փոքր գումարների մարումն են իրականացնում երկարատեւ ամիսներով։
Նկատենք, որ սպառողական վարկերի «փաթեթում», ի թիվս ավտովարկերի եւ քարտային ու ոսկու գրավով վարկերի, մեկ տարվա կտրվածքով ամենամեծ աճ արձանագրվել է հատկապես կենցաղային եւ համակարգչային տեխնիկայի ձեռքբերման վարկերի մասով։ Այս նպատակով տրամադրված վարկերն աճել են ավելի քան 50%-ով, ինչն աննախադեպ բարձր ցուցանիշ է։ Համեմատության համար նշենք, որ ավտովարկերը, օրինակ, այս նույն ժամանակահատվածում աճել են 13%-ով։
Ինչ վերաբերում է հիպոթեքային վարկերին, ապա դրանց աճը եւս «ողջամտության» սահմաններում է եւ տեղավորվում է վարկային պորտֆելի ընդհանուր աճի տրամաբանության մեջ, ինչը չես ասի սպառողական վարկերի դեպքում։
Իրականում սպառողական վարկերի նման աճը պետք է դիտել որպես հասարակության սոցիալական վիճակի բացասական ազդակ։
Թամարա ՂԱԼԵՉՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
