Պատմական գիտությունների թեկնածու Հայկակ Արշամյանը «Առավոտ»-ի հետ զրույցում անդրադառնալով Ուկրաինայում բողոքի ալիքին եւ Հայաստանում՝ ընդդեմ Մաքսային միության փոքրաթիվ բողոքի ակցիայի զուգահեռներին, դրանց պատճառներին եւ հաճախ հնչող այն բացատրությանը, թե Հայաստանն առանց Ռուսաստանի դատապարտված է, նկատեց․
«Ինչ վերաբերում է առանց Ռուսաստանի դատապարտվածությանը, ապա կարծում եմ, որ խնդիրը այստեղ Ռուսաստանը չէ, խնդիրը մեր մեջ է, որ դարեր շարունակ մեր քաղաքական միտքը ելքեր է փնտրել դրսերում՝ սկսած Ռեչ Պոսպոլիտայից, Վենետիկի Հանրապետությունից, Պֆալցի իշխանից, Անգլիական արքունիքից մինչեւ ռուսական կայսրություն: Այդ իսկ պատճառով ունեցել ենք դառը պարտություններ, հիասթափություններ ու մեծ կորուստներ: Հենց որ գիտակցեցինք, որ միայն սեփական մտքի ազատությամբ ու ուժերի կոնսոլիդացիայով, խնդիրների ճիշտ ձեւակերպմամբ ու տեսլականով կարող ենք կերտել մեր երկիրը, ինչպես օրինակ դա արեցինք Սարդարապատում ու 1988-ի համաժողովրդական շարժման ընթացքում, այն ժամանակ էլ կունենանք մեր երազած Հայաստանը»:
Պատմական գիտությունների թեկնածու Հայկակ Արշամյանի հետ հարցազրույցն ամբողջությամբ կարդացեք վաղվա «Առավոտ»-ում:
Կարդացեք նաև
Էմմա ԳԱԲՐԻԵԼՅԱՆ
