«Ռուսաստանի և Ուկրաինայի հարաբերություններն ընդլայնելու համաձայնությունից հետո Եվրամիության դռները Ուկրաինայի համար շարունակում են բաց մնալ», – չորեքշաբթի հայտնել է Գերմանիայի կանցլեր Անգելա Մերկելը: Հաղորդում է ուկրաինական «Ինտերֆաքս»-ը՝ հղում անելով «Դոյչե Վելլե»-ին:
«Առաջարկությունը մնում է ուժի մեջ», – ասել է նա՝ ելույթ ունենալով Բունդեսթագում:
Մերկելը նաև նշել է, որ ԵՄ և Ուկրաինայի միջև ասոցացման պայմանագրի պայմանները նույնն են, ինչ Գերմանիան սպասում է ցանկացած այլ երկրից.
«Ցույցերի անցկացման և ժողովրդավարական հիմնարար սկզբունքների պաշտպանության երաշխիքներ», – ասել է կանցլերը և կոչ արել Ուկրաինային «կամ կամ»-ի ընտրության առաջ չկանգնեցնել:
Կարդացեք նաև
«Չի կարելի իրավիճակը հասցնել նրան, որ Ռուսաստանի և ԵՄ-ի միջև գտնվող երկիրը ստիպված լինի սկզբունքային որոշում ընդունել՝ ում կողմից է նա, սրա՞, թե՞ նրա», – ասել է Մերկելը:
Պատրաստեց Հովհաննես ԻՇԽԱՆՅԱՆԸ
