ՀՀ կառավարության առաջիկա նիստի օրակարգում ընդգրկվել է որոշման նախագիծ, ըստ օրի՝ կառավարությունը համաձայն է «Յունիքոմփ» ընկերությունից մոտ 2,5 միլիոն դրամի նվեր ընդունել:
«ՉԻ»– Փորձենք հասկանալ, թե ինչպես են զարգացել իրադարձությունները։ Երեւի «Յունիքոմփ» ընկերության ղեկավարները երկար գլուխ են ջարդել, թե ինչպես վարվեն ավելորդ 2,5 միլիոնի հետ, ու մեկն ասել է «չբռնե՞նք կառավարությանը նվիրենք, ախր մեղք են, միջոցներ չունեն, իրենք էլ գիշեր-ցերեկ ժողովրդի համար են աշխատում»։ Ամենայն հավանականությամբ՝ հենց այդպես էլ եղել է։
Կառավարությունն էլ մեծահոգաբար որոշել է թույլ տալ, որ իրեն նվեր տան։ Ավելին. այս անօրինակ մարդասիրությունն այնքան է ոգեւորել վարչապետին, որ նա մտադիր է կառավարության հաջորդ նիստում նոր որոշումներ ընդունել, որոնց համաձայն՝ ռեստորաններին կթույլատրվի որպես նվեր անվճար կերակրել կառավարության անդամներին, վարսավիրանոցներին՝ անվճար խուզել նախարարների լուսապայծառ գլուխները, գիշերային ակումբներին՝ նվերի կարգով անվճար «փարթիներ» կազմակերպել եւ այլն:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
