Պարտադիր կենսաթոշակային կուտակային համակարգի դեմ բողոքող երիտասարդները Երևանում երթով աջակցել են ԱԺ չորս ոչ իշխանական խմբակցություններին, որոնք Սահմանադրական դատարան են դիմել այդ համակարգի կապակցությամբ: Սահմանադրական դատարանը Հայաստանում այն մարմինն է, որը 1995 թվականից սկսած դակում է բոլոր կեղծված ընտրությունները: Այսինքն` Սահմանադրական դատարանը Հայաստանում գոյություն ունեցող ապօրինի իշխանական համակարգի հենասյուներից մեկն է և ակնկալել, որ այդ դատարանը կկայացնի որոշում հասարակության շահերից ելնելով, միամտություն է:
Ակնկալիքը կարող է մեկը լինել՝ դատարանի քաղաքական որոշում: Տեսականում պետք չէ բացառել, որ այդ որոշումից շահեն քաղաքացիները: Բայց դա կլինի այն դեպքում, երբ ՍԴ որոշման մեջ լինի իշխանությունների քաղաքական շահը: Առայժմ իշխանությունները պնդում են, որ կուտակային համակարգը չեն փոխելու: Այսինքն` սա նշանակում է, որ ՍԴ-ի որոշումը կլինի քաղաքացիների համար ոչ շահեկան: Առայժմ քաղաքացիական բողոքի ծավալները բավական հեռու են իշխանություններին որևէ փոփոխության մղելու ծավալներից և նաև բովանդակությունից:
Հարցն այստեղ ակցիաներին մասնակից քաղաքացիների թիվը չէ: Հարցն այստեղ այլ է՝ պարզապես քաղաքացիների լայն շերտերը անհաղորդ են այն խնդիրներից, որ առկա են ակցիայի հիմքում: Այսինքն` մարդիկ կարող են նստել տանը, դուրս չգալ փողոց ակցիաներին մասնակցելու, սակայն եթե փողոցում կատարվողի հետ լինեն հաղորդակից, ապա դրա ազդակները իշխանությունները շատ արագ կստանան: Կստանան ինքնապաշտպանության բնազդով անգամ, որովհետև իշխանությունները ամենաշահագրգռվածն են այս երկրում հասարակության իրական տրամադրություններին տեղյակ լինելու հարցում:
Մուսա Միքայելյան
Կարդացեք նաև
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
