ԱՄՆ կոնգրեսական Ադամ Շիֆը Սպիտակ Տնից խնդրել է հայ որբերի գործած Ղազիր գորգը տրամադրել Կոնգրեսի միջոցառման համար: Շիֆի կազմակերպած միջոցառմանը, որը նպատակ ունի «ընդգծել Ամերիկայի իշխանությունների 20-րդ դարի առաջին ցեղասպանությունից հետո հայերին օգնելու ջանքերը», կմասնակցեն պատմաբաններ, հայ համայնքի անդամներ, կոնգրեսականներ և ցեղասպանությունը վերապրածներ: Հայտնում է «KPCC» ռադիոկայանը:
Ըստ Շիֆի, գորգը «մարմնավորում է ցեղասպանության ողբերգությունը և հայ ժողովրդի վերածնունդը»:
1925թ. ԱՄՆ նախագահ Քելվին Քուլիջին նվիրած գորգը ուշադրության կենտրոնում է հայտնվել, երբ Սպիտակ Տունը մերժել էր այն տրամադրել դեկտեմբերի 16-ի Սմիթսոնյան ինստիտուտի ցուցահանդեսին Հակոբ Մարտին Դերանյանի «Նախագահ Քելվին Քուլիջը և հայ որբերի գորգը» գրքի շնորհանդեսին ցուցադրելու համար:
ԱՄՆ նախագահ Բարաք Օբամային ուղղված նամակում Շիֆը նշել է, որ գորգն իրեն անհրաժեշտ է 2014թ. հունվար կամ փետրվար ամիսներին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
