Այս պահին Ազատության հրապարակում մի քանի 100-ի հասնող քաղաքացիներ եւ ԱԺ 4 խմբակցությունների պատգամավորներ իրենց մտահոգություններն են հայտնում կուտակային կենսաթոշակային համակարգի մասին օրենքի առնչությամբ եւ պատրաստվում են շարժվել դեպի Սահմանադրական դատարան՝ հանձնելու իրենց դիմումը, պահանջելով չեղյալ համարել օրենքի նախագիծը:
ՀՅԴ խմբակցության ղեկավար Արմեն Ռուստամյանի խոսքով՝ այս օրենքը չի կարող ներդրվել առանց ժողովրդի կամքը հարցնելու. «Կատարում ենք բոլոր օրինական քայլերը: Մեր հավաքի նպատակն է մեր բողոքը ներկայացնել, բայց մեր քայլերը դրանով չեն սահմանափակվելու, լուրջ պայքար է սպասվում եւ վստահեցնում եմ ձեզ՝ մեր դիմումն անխոցելի է եւ բոլոր հոդվածներով մեզ հաջողվել է ցույց տալ այդ օրենքի հակասահմանադրական լինելը»: Ներկաները մտավախություն ունեն, որ ՀՀ նախագահ Սերժ Սարգսյանի վերջին հայտարարությունը՝ այս օրենքի հետ կապված, ուղղակի ճնշում է լինելու Սահմանադրական դատարանի վրա:
Հիշեցնենք, որ ՀՀ նախագահը դրական է արտահայտվել այդ օրենքի վերաբերյալ:
Մանրամասները՝ շուտով:
Կարդացեք նաև
Արփինե ՍԻՄՈՆՅԱՆ
