Ազգային ժողովի «Ժառանգություն» խմբակցության ղեկավար Զարուհի Փոստանջյանը բողոքարկել է Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի որոշումը, որը դեկտեմբերի 6-ին մերժել էր հայցը, որով Զարուհի Փոստանջյանը դատարանից պահանջում էր Փակ շուկայի ապօրինի կառուցապատման համար քրեական պատասխանատվության ենթարկել կառուցապատողին՝ գործարար Սամվել Ալեքսանյանին, եւ Երեւանի քաղաքապետ Տարոն Մարգարյանին:
Առաջին ատյանի դատարանի որոշումը վերացնելու եւ քրեական գործ հարուցելու պահանջով Զարուհի Փոստանջյանը բողոքը Վերաքննիչ դատարան էր ներկայացրել այսօր:
Aravot.am-ի հետ զրույցում Զարուհի Փոստանջյանը ընդամենն ասաց. «Բողոքն ուղարկել ենք Վերաքննիչ դատարան, հիմա թե ինչ կլինի բողոքի ճակատագիրը պետք է սպասենք տեսնեք, քննարկման ժամանակ արդեն պարզ կլինի»:
Դիտարկմանը, ինչ ակնկալիք ունեք Վերաքննիչ դատարանից, կբավարարի այն ձեր բողոքը` Զարուհի Փոստանջյանը նշեց. «Չգիտեմ, թե ինչպես կվարվի Վերաքննիչը, չի բացառվում, որ բավարարի»:
Կարդացեք նաև
Եվա ՀԱԿՈԲՅԱՆ
