ՀԱՕԿ-ի պաշտոնական կայքում հրապարակվել է Մարզական լրագրողների հանրապետական ֆեդերացիայի հարցման արդյունքներով 2013 թ. մրցաշրջանի 10 լավագույն մարզիկների անվանացանկը եւ յուրաքանչյուրի ստացած միավորները:
Հարցմանը մասնակցել է մարզական թեմաներով գրող 22 լրագրող: Հայաստանի N1 մարզիկ ճանաչվել է ազատ ոճային ըմբիշ, աշխարհի ու Եվրոպայի չեմպիոն, Համաշխարհային ուսանողական խաղերի արծաթե մեդալակիր Դեւիդ Սաֆարյանը:
2013 թվականի Հայաստանի մարզիկների լավագույն տասնյակի անվանացանկ.
1. Դեւիդ Սաֆարյան, ազատ ըմբշամարտ, 220 միավոր
Կարդացեք նաև
2. Արթուր Ալեքսանյան, հունահռոմեական ըմբշամարտ, 187
3. Արսեն Ջուլֆալակյան, հունահռոմեական ըմբշամարտ, 155
4. Ռոման Ամոյան, հունահռոմեական ըմբշամարտ, 119
5. Աշոտ Դանիելյան, սամբո, 109
6. Արթուր Դավթյան, սպորտային մարմնամարզություն, 88
7. Արամ Ավագյան, բռնցքամարտ, 75
8. Մաքսիմ Մանուկյան, հունահռոմեական ըմբշամարտ, 52
9-10. Մուսա Մուրթազալիեւ, ազատ ըմբշամարտ, 49
9-10. Արթուր Շահինյան, հունահռոմեական ըմբշամարտ, 49
Հարցաթերթիկում լրագրողները նշել են եւս ինը մարզիկների անուններ: Նրանք են:
Շախմատ. Լիլիթ Մկրտչյան եւ Զավեն Անդրիասյան:
Բռնցքամարտ. Արթուր Քիրաջյան եւ Հենրիկ Մոքոյան:
Սամբո. Տիգրան Կիրակոսյան, Սոսե Բալասանյան, Մավրիկ Նասիբյան եւ Երջանիկ Կարապետյան:
Ըմբշամարտ. Վաչիկ Եղիազարյան, հունահռոմեական ոճ:
Ընթացիկ մրցաշրջանի լավագույն թիմ ճանաչվել է Եվրոպայի անհատական եւ թիմային առաջնություններում 3-րդ տեղ գրաված հունահռոմեական ըմբշամարտի Հայաստանի ազգային հավաքականը:
Աշոտ ՀԱԿՈԲՅԱՆ
