Նոյեմբերի 30-ին «Եվրոմայդան»-ը ցրելու «Բերկուտ»-ի գործողությունների համար պատասխան կտան Կիևի ոստիկանապետ Վալերի Կորյակը և նրա տեղակալ Պյոտոր Ֆեդչուկը, ասել է Ուկրաինայի գլխավոր դատախազ Վիկտոր Պշոնկան: Հայտնում է ուկրաինական «Ինտերֆաքս»-ը:
««Բերկուտ»-ի (ոստիկանության հատուկ բաժանմունք) արարքների համար պատասխանատու են Կիևի ոստիկանապետը և նրա տեղակալը, որին անմիջականորեն ենթակա է «Բերկուտ»-ը: Մենք ունենք բոլոր խոսակցությունների ձայնգրությունները: Հետաքննությամբ դրանք առգրավվել են», – ասել է դատախազը՝ պատասխանելով լրագրողներին հարցին, թե արդյոք պատասխանատվության կենթարկվեն «Բերկուտ»-ում ծառայողները:
Գլխավոր դատախազի խնդագրի համաձայն Ուկրաինայի նախագահ Վիկտոր Յանուկովիչն իր հերթին աշխատանքից ազատել է քաղաքապետարանի աշխատակազմի ղեկավար Ալեքսանդր Պոպովին և ազգային անվտանգության և պաշտպանության խորհրդի քարտուղարի տեղակալ Վլադիմիր Սիվկովիչին՝ նոյեմբերի 30-ին քաղաքացիների սահմանադրական իրավունքները խախտելու կասկածանքով:
Կարդացեք նաև
Պատրաստեց Հովհաննես ԻՇԽԱՆՅԱՆԸ
