Դեկտեմբերի 4-ին ՀՀ նախագահի մամուլի խոսնակ Արման Սաղաթելյանին գրավոր հարցում էինք ուղարկել, որն ուներ հետևյալ բովանդակությունը. «Ինչպե՞ս է, որ ՀՀ նախագահ Սերժ Սարգսյանը ԵԽԽՎ-ում խոսում էր հայերեն, թեեւ միջազգային ատյանում կարող էր եւ ելույթ ունենալ այլ լեզվով՝ համաձայն «Լեզվի մասին» օրենքի, մինչդեռ Հայաստանում կայացած ասուլիսում՝ ՌԴ նախագահ Վլադիմիր Պուտինի հետ, ՀՀ նախագահը խոսեց ռուսերեն՝ ի խախտումն «Լեզվի մասին» օրենքի 3-րդ հոդվածի, որի համաձայն՝ «Հայաստանի Հանրապետությունը ներկայացնող անձանց պաշտոնական ելույթների լեզուն հայերենն է»:
Մեր հարցումից անցել է 8 աշխատանքային օր, սակայն մեզ հետաքրքրող հարցի պատասխանն այդպես էլ չստացանք: Մինչդեռ «Տեղեկատվության ազատության մասին» ՀՀ օրենքի «Գրավոր հարցման պատասխանը տրվում է հետեւյալ ժամկետներում» դրույթով սահմանված է. «Եթե գրավոր հարցման մեջ նշված տեղեկությունը հրապարակված չէ, ապա դրա պատճենը դիմողին է տրվում հարցումը ստանալուց հետո՝ 5-օրյա ժամկետում»:
Նշենք նաև, որ օրենքը սահմանում է հետևյալը. «Եթե գրավոր հարցման մեջ նշված տեղեկությունը տրամադրելու համար անհրաժեշտ է կատարել լրացուցիչ աշխատանք, ապա այդ տեղեկությունը դիմողին է տրվում դիմումը ստանալուց հետո՝ 30-օրյա ժամկետում, որի մասին հարցումը ստանալուց հետո՝ 5-օրյա ժամկետում, գրավոր տեղեկացվում է դիմողին՝ նշելով հետաձգման պատճառները եւ տեղեկությունը տրամադրելու վերջնական ժամկետը»։
Aravot.am-ը Ինֆորմացիայի ազատության կենտրոնի հիմնադիր-նախագահ Շուշան Դոյդոյանին փոխանցեց իրավիճակի մանրամասները: Նա ասաց. «Բոլոր դեպքերում ձեզ պետք է հինգ օրվա ընթացքում որևէ պատասխան տային: Մնացածը, թե բովանդակությունը ինչ է, չեմ կարող մեկնաբանություն տալ: Դա տեղեկատվության մասին օրենքով սահմանված կարգի խախտում է: Տվյալ դեպքում գրավոր դիմողին պարտավոր էին որևէ տեսակի պատասխան տալ`կամ մերժում կամ որևէ տեսակի տեղեկատվության տրամադրում»:
Կարդացեք նաև
Aravot.am-ը https://www.givemeinfo.am կայքի միջոցով փորձեց պարզել, թե ՀՀ նախագահի աշխատակազմն ընդհանրապես ինչպիսի՞ արդյունքներ է գրանցել քաղաքացիների հարցումներին պատասխանելու գործում: Պատկերը հետևյալն է. վերջին երեք տարվա ընթացքում ստացված 8 հարցումների պարագայում «ժամանակին լիարժեք պատասխան է տրվել» հարցումների 50 տոկոսին, «լուռ մերժումները» կազմել են 13 տոկոս, «ուշացած լիարժեք պատասխանը»` 25 տոկոս, «անհիմն պատասխանը» 13 տոկոս:
Տաթև ՀԱՐՈՒԹՅՈՒՆՅԱՆ
ինչ մեղք եք… չեք կարողանում պատասխան ստանալ…:)
Ասելիքդ ի՞նչ ա, Հակոբ:
Մարդ եք գտել`բան եք հարցնում: Էդ որ օրվանից է Սերժ Սարգսյանը փայլել օրինապահությամբ, որ այսօր էլ դուք դիմում եք օրենքի օգնությանը: Միայն մի ելք կա այսօր: Պետք էր ուշադիր լսել ԱԺ ամբիոնից Զարուհի Փոստանջյանի այս տարվա վերջին ելույթը. հիշեցնեմ. նա ասաց` ապստամբություն. սա է միակ ելքը, այլ ելք չկա, եթե ուզում եք ապրել Հայաստանում:
Յաբախտի Նոկաուտովիչ Ղարաբաղցին չգիտի որտեղ , ինչ, երբ.?
Ընկել եք ձևականությունների հետևից:Ձեց չի թվում որ նմանվում եք այն միլիցիոներին , որ հոսանքի սյանը կեղտ է բռնում:
Կարդա Հակոբին գրածս պատասխանը