Արձագանքելով ՀՀԿ գործադիր մարմնի անդամ Արմեն Աշոտյանի`երեկ հանրությանը հղած կոչին`վայելել կառավարության գործունեությունը, «Ժառանգություն» կուսակցության փոխնախագահ Արմեն Մարտիրոսյանն այսօր «Պոստ սկրիպտում» մամուլի ակումբում հայտարարեց, որ համաձայն է իր գործընկերոջ եւ ընկերոջ հետ`հասարակությունը «վայելում» է այս կառավարության գործունեությունը:
Բանախոսը չի ընդունում այն, երբ փորձում են թիրախ դարձնել բացառապես կառավարությանը, քանի որ կառավարությունը միայնակ չի գործում: Նա տեսնում է նաեւ օրենսդիր մարմնի մեղքը, որը դակիչ է կառավարության գործունեության համար: «Ոչ միայն կառավարությունը պետք է հրաժարական տա, այլ ամբողջ ԱԺ-ն: Այս քայլն անհրաժեշտ է, որպեսզի մեզ մոտ մթնոլորտ փոխվի: Կառավարության հրաժարականն առանց ԱԺ փոփոխության, որեւէ արդյունք չի տալու: Նորից նույն պրոցեսներն են լինելու, նույն կոռումպացված համակարգը, ուստի միայն կառավարության հրաժարականը ոչինչ չի տալիս»:
Արմեն Մարտիրոսյանն անդրադարձավ նաեւ գալիք տարվա բյուջեին`կարծիք հայտնելով, որ այն հասարակության հետ կապ չունի ու փաստեց. «Իշխանությունների ներսում ոչ թե իմիտացիա է տեղի ունենում, այլ խաբեություն»։ ՎՊ նախագահի եւ նրա զեկույցի շուրջ զարգացած իրադարձություններն, ըստ Արմեն Մարտիրոսյանի, ցույց են տալիս, որ բյուջեն իսկապես արդյունավետ չի ծախվում:Այս համատեքստում գազի գնի հետ կապված պատմությունը նա համարում է «քաղաքական սերիալ»:
Առկա բոլոր խնդիրները Արմեն Մարտիրոսյանը ածանցյալ է համարում կառավարման համակարգի փթածության։
Կարդացեք նաև
Այլ մանրամասները` տեսանյութում
Նելլի ԳՐԻԳՈՐՅԱՆ
